Biz inanırıq ki, tərəflər mübahisələrini özləri həll etdikdə, tərəflərin maraqlarına daha uyğun nəticə əldə edilir və nəticə tərəflər üçün daha faydalı olsun. Bu səbəblə də, tərəflərə danışıqlar aparmaqda köməklik göstərmək və onları mübahisələrin həlli üzrə səmərəli mexanizmlərlə təmin etmək üçün ARBME Mübahisələrin Həlli mərkəzini təsis edilmişdir. ARBME mübahisələrin alternativ həlli xidmətləri göstərən müstəqil şirkətdir. ARBME şirkətinin əsas məqsədi biznes ictimaiyyətinə mübahisələrin effektiv və səmərəli həlli mexanizmləri təqdim etmək və kommersiya mübahisələrini formal məhkəmə proseslərinə müraciət etmədən həll etməkdə köməklik göstərməkdir. ARBME şirkəti mediasiya, arbitraj, mübahisələrin həlli sistemlərinin qurulması, mübahisələrin neytral qiymətləndirilməsi, korporativ mübahisələrin idarə edilməsi və korporativ mübahisələr üzrə barışdırıcı fəaliyyət xidmətləri göstərməkdədir.